मूर्तिजापूर,ता.१३ : नगरपरिषद सार्वत्रिक निवडणूक २०२५ करिता आदर्श आचार संहितेचे प्रभावीपणे अंमलबजावणी होण्याच्या दृष्टीने स्थाई पथक (SST पथक )गठीत करण्यात आले असून आज सकाळी स्थिर सर्वेक्षण पथक क्रमांक ४ आसरा फाटा नॅशनल हायवे मुर्तिजापूर यांनी वाहन क्र . MH ३१ CR ८६१९ वाहन चालक योगेश अनिल कनोजे यांच्या कडून रु. २,३०,३००/- रोख रक्कम जप्त केली. सदर कार्यवाही ही पथक प्रमुख चंदू महादेव तायडे व त्यांचे पथकातील इतर सर्व कर्मचारी यांनी केली. याबाबत सदर रक्कम ही कशाबाबत व कुठून आणली याबाबत वाहन चालकाने पुरावे सादर न केल्यामुळे सदर रक्कम स्थिर सर्वेक्षण पथकाने पंचनामा अहवाल करून जप्त केली असून पुढील कार्यवाही मा . निवडणूक निर्णय अधिकारी तथा उपविभागीय अधिकारी संदीपकुमार अपार व सहाय्यक निवडणूक निर्णय अधिकारी तथा नियंत्रण अधिकारी निलेश जाधव यांचे मार्गदर्शना खाली नोडल अधिकारी प्रसाद राठोड, वैभव ओहेकर, राजेश भुगुल आदर्श आचार संहिता अंमलबजावणी समिती हे करीत आहेत
